Aberto o prazo de inscrición para os ‘Obradoiros de Emprego Porriño Social’

A Concellería de Formación e Emprego do Porriño, que dirixe Soledad Girón, vén de abrir ata o vindeiro luns, día 27, incluido, o prazo de inscrición para os cursos de ‘Atención Socio-sanitaria a persoas no domicilio’ (SSCS01ET, código 340 ou 320), e ‘Atención socio-sanitaria a persoas en institucións sociais’ (SSCS11ET Código 340 ou 320), dentro dos ‘Obradoiros de Emprego Porriño Social’.

As persoas interesadas en participar nos mesmos deberán acreditar estar graduadas en Ensino Secundario Obrigatorio (ESO)ou Competencias clave nivel 2, e ser menores de 30 anos de idade e para solicitar a súa inclusión nos mesmos deben dirixise á oficina do Servizo Galego de Emprego (antigo INEM) do Porriño.

Terán prioridade as aquelas persoas que soliciten un dos devanditos cursos e as que sexan seleccionadas  asinarán un contrato de traballo en formación, retribuido, durante un periodo de seis meses.

A Concellería de Emprego impulsa, por medio do ‘Plan Porriño Accede’, un ‘Curso de Loxística e carretilla elevadora’ para veciñas e veciños que estean en situación de demandantes de emprego

A Concellería de Formación e Emprego, que dirixe Soledad Girón, impulsa, por medio do ‘Plan Porriño Accede’, un ‘Curso de Loxística e carretilla elevadora’ que ten coma destinatarias a veciñas e veciños do Porriño que sexan demandantes de emprego.

Como sinala a concelleira, o prazo de inscrición para as interesadas e interesados en participar neste curso péchase nas vindeiras semanas, a formación, que será a cargo de especialistas de Maviva, empresa especializada en loxística de automoción que ten sedes en Vigo, Gondomar e O Porriño, abrangue preparación teórica e práctica nas instalacións da mesma.

‘Porriño Accede’

O programa “Porriño Accede” é un programa que pon en marcha o Concello do Porriño, con fondos propios, e que pretende formar e insertar no mercado laboral ás persoas veciñas inscritas como demandantes de emprego, tendo como punto de partida as necesidades de contratación nas empresas.

A concelleira de Emprego e Formación, Soledad Girón, responde ao PP do Porriño sobre os empregos da Deputación

En relación coa nota publicada no xornal de onte, 9  de agosto de 2018, polo Partido Popular do Porriño, en boca do seu concelleiro e presidente local, Manuel Alejandro Lorenzo, sobre as políticas de emprego no Concello do Porriño, como concelleira responsable dese área, quero sinalar:

O señor Manuel Alejandro non di a verdade ao asegurar que “o Concello puido dar emprego a 27 persoas durante todo este ano” polo Plan da Deputación.

Resulta sorprendente ademais que o faga, quen foi concelleiro de Emprego no anterior goberno, pois, pola súa experiencia neste tema, sabe perfectamente que esa afirmación é falsa. Polo tanto, non cabe máis conclusión que entender que, nun asunto tan delicado como é o desemprego e a traxedia persoal para quen o padece, preferiu buscar un titular vistoso pero falso que lle axude na súa carreira política como candidato previsible do PP ás eleccións locais do vindeiro ano.

Invito ao PP local e ao seu presidente, a nomear un só concello da provincia que, coa convocatoria da Deputación Provincial, contratara, aínda que fora unha soa persoa, durante todo o ano. Non o hai, porque é imposible e a orde nin tan sequera contempla esa posibilidade, nin por fondos nin por prazos.

O 3 de xaneiro, cando sae a orde, o que se inicia é o proceso regulamentado, transparente e público, para optar á concesión se subvencións e, unha vez concedida, ao proceso de preselección de candidatas  e candidatos que se fai polos servizos do Servizo Galego de Emprego (antigo INEM) e a elaboración dunhas bases e inicio do proceso de selección de candidatas e candidatos polos servizos de contratación do Concello. Trámites xustos, regulamentarios e fiscalizados que impiden que sexan contratos a partir da saída da orde.

O candidato do PP e o seu partido, que teñen experiencia de moitos anos de  goberno no Concello, saben que é así e que están, polo tanto falseando a realidade e creando expectativas falsas a un colectivo, a das persoas desempregadas, que merecen información real e contrastada.

Dende que estamos gobernando, cunha “nefasta xestión en materia de emprego” (según o señor Alejandro), as cifras contrastadas de paro no Porriño baixaron do 23,1 % que deixaron ao 15% . Sendo nos últimos sete meses, con datos oficiais da Xunta, onde se acadou un 3% desa baixada, a maior de toda a Área Metropolitana. Iso amosa que O Porriño ten poder de recuperación na crise e que o Concello, xunto con outras instancias, ten mellorado a capacidade de xerar emprego para as súas veciñas e veciños.

Ademais, polo que a nosa xestión respecta, se ten mellorado substancialmente a colaboración coas empresas radicadas no Porriño, con plans de formación e inserción conveniados, que teñen dado froito en mellores condicións de contratos e estabilidade. O ‘Plan Accede’, creado polo noso goberno, é a proba máis obxectiva desa mellora.

Nós confiamos nunha actuación rigorosa e transparente en materia de emprego, á que todos os cidadáns poidan acceder en igualdade de condicións, frente á política de “pásese pola Alcaldía e o alcalde chama para buscarlle algo e vostede queda a deber o favor” que vostedes non só practicaban senón que se gababan da mesma en declaracións a medios locais e nacionais.

Nós confiamos en por en valor o servicio de emprego e confiar no bo labor profesional das traballadoras e traballadores que pertencen a este servizo e darlle a calidade do que realmente é e debe ser un servizo público e non unha axencia clientelar de quen detenta o goberno.

Nós actuamos e adicamos os nosos esforzos a tentar que os grupos máis vulnerabeis dentro do colectivo de persoas sen emprego (mulleres en formación e parados de longa duración, principalmente) poidan acceder ao traballo e, como as cifras demostran, o labor está sendo exitoso. Mellorable pero exitoso. En nada melloraría, sen dúbida, en voltar á dirección que vostedes lle deron cando gobernaron.

Recuperamos a concesión de obradoiros de emprego pola Xunta de Galicia, voltamos a por en marcha o PIEM (adicado a fomentar o emprego para mulleres) que vostedes deixaron desactivado e, por imposibildade de prazos de tramitación, si tivemos que renunciar a algún curso de ADF, como vostede mesmo renunciou no ano 2014, sendo concelleiro de emprego.

 

O paro baixa, un mes maís no Porriño, que no que vai deste ano reduciu o desemprego ata taxas de hai unha década

Dende 2008 non se coñecía no Porriño unha taxa de desemprego semellante á do pasado mes de xullo no que o paro volveu a baixar na vila situándose en 1.420 persoas, o que representa o 15%.

Dacordo cos datos difundidos este xoves polo Ministerio de Traballo, Migracións e Seguridade Social, e a Consellería de Economía, Emprego e Industria da Xunta de Galicia, o desemprego está 8 puntos por debaixo do que había cando o actual Goberno local empezara a súa xestión logo de herdar do anterior un porcentaxe de desemprego do 23,1%, con 2.139 porriñesas e porriñeses sen traballo, 713 máis que na actualidade.

En relación co mes de xullo de 2017, o número de veciñas e veciños anotadas coma demandantes na oficina do Servizo Galego de Emprego baixou de 1.663 a 1.420, o que supón que hai 243 traballadoras e traballadores máis no Porriño.

En relación co inicio deste ano 2018, o desemprego baixou en 269 persoas, o que representa un descenso, de 3 puntos en so 7 meses, máis que ningún outro concello da Área Metropolitana.

Porriño Accede’ e ‘Plan de Emprego para Mulleres (PIEM)’, programas impulsados polo Goberno local, teñen unha porcentaxe de éxito de preto do 75%, o que representa que 2 de cada 3 participantes nos mesmos están traballando.

Os dous, xunto coa colaboración con outras administracións, en especial a Deputación de Pontevedra, lograron que preto de 150 porriñesas e porriñesas teñan hoxe un emprego.

Esta colaboración abranguerá nas vindeiras semanas, á Zona Franca de Vigo que, coma se comprometeu coa alcaldesa, este mércores o seu delegado, David Regades, durante unha visita ao Polígono de A Granxa, incrementará a súa actuación no Porriño co aumento do chan industrial e as axudas a emprendedores e novas empresas, o cal redundará no aumento do emprego “fixo e de calidade”.

A taxa de paro no Porriño situouse en xuño en niveis de hai 10 anos: dende que o actual Goberno local iniciara o seu mandato o desemprego baixou en máis de 700 persoas pasando do 23,1 ao 15,3%

O número de desempregados no Porriño estaba, a finais do pasado mes de xuño a niveis de hai dez anos. En total, 1.430 personas estaban anotadas coma demandantes de emprego na vila, 66 menos que o pasado mes de maio, o que representa un descenso do paro dun 0,7%.

A taxa de desmprego no Porriño, dacordo cos datos publicados este venres polo Ministerio de Traballo, Migracións e Seguridade Social, e a Consellería de Economía, Emprego e Industria da Xunta de Galicia, situouse na vila no 15,3%, o que supon preto de 8 puntos menos que cando o actual Goberno Local empezara  o seu mandato: daquela  2.139 porriñeses –o 23,1% da poboación en idade de traballar- estaba sen traballo, 703 máis que na actualidade.

En relación co mes de xuño de 2017, o número de veciñas e veciños anotadas coma demandantes na oficina do Servizo Galego de Emprego baixou de 1.705 a 1.430, o que supón que hai 275 traballadoras e traballadores máis no Porriño e que en so un ano o paro caeu en 3 puntos.

Un 73% de insercións laboráis dende os plans do Concello

As medidas postas en marcha dende o Goberno local para reducir o desemprego no Porriño , fundamentalmente por medio dos programas ‘Porriño Accede’ e ‘Plan de Emprego para Mulleres (PIEM)’, conqueriron que un total de 113 porriñesas e porriñeses estean xa traballando.

No que vai deste 2018, os 14 convenios asinados polo Concello con outras tantas empresas de automoción, loxística, mantemento ou distribución, fixeron posible que 46 persoas asinasen un contrato de traballo, o 73% das 66 que participaron neste programa dende o 1 de xaneiro.

Polo que atingue ao ‘Plan de Emprego para Mulleres (PIEM)’, está dirixido este ano a un total de 85 porriñesas en situación de desemprego, especialmente, mulleres novas, menores de 30 anos e sen cualificación profesional.

Como resultado do mesmo, hai tres meses, 11 delas comezaron a traballar coma soldadoras na planta de Viza Automoción no Porriño, que conta cun plantel de 500 persoas e subministra os seus produtos a grupos tan importantes coma PSA Peugeot Citroën, Audi, Renault, Volkswagen, Mercedes, Toyota ou Porsche.

Dentro destes mesmos programas, outras 12 persoas demandantes de emprego iniciaron as súas prácticas en Gestamp grupo internacional adicado ao deseño, desenrolo e fabricación de componentes metálicos para o automóvil.

Ainda hai prazas para a ‘2ª Andaina dos Sentidos’ que, finalmente, será o vindeiro domingo 1 de xullo

A ‘2ª Andaina dos Sentidos’, programada para o pasado día 10 de xuño e que finalmente tivera que ser aprazada por mor do mal tempo, xa ten nova data: será o vindeiro domingo 1 de xullo.

Hai que lembrar que a mesma forma parte do ‘Proxecto de Prevención de Drogo-dependencias 2018-2019’, que está impulsada pola concellería de Formación e Emprego de Salceda de Caselas, que dirixe Loli Castiñeira, e pola de Benestar, Emprego e Igualdade do Porriño, que ten á fronte a Soledad Girón, e que conta coa subvención da Xunta de Galicia.

As familias de Salceda de Caselas e do Porriño que queiran participar nesta andaina que descorrerá polo medio da natureza, aínda poden inscribirse chamando ao teléfono  679151574.

Os programas postos en marcha pola Concellería de Emprego conqueriron que 125 porriñesas e porriñeses estean xa traballando

Os programas ‘Porriño Accede’ e ‘Plan de Emprego para Mulleres (PIEM)’, postos en marcha pola Concellería de Emprego. Servizos Sociais e Igualdade, que dirixe Soledad Girón, conqueriron que un total de 125 porriñesas e porriñeses estean xa traballando.

46 colocacións ata maio

No que vai deste 2018, os 14 convenios asinados polo Concello con outras tantas empresas de automoción, loxística, mantemento ou distribución, fixeron posible que, ata o mes de maio, 46 persoas asinasen un contrato laboral, o 73% das 66 que participaron neste programa dende o 1 de xaneiro.

67 novos empregos o ano pasado

O ano pasado 67 persoas atoparon traballo logo de ter participado en ‘Porriño Accede’, o que representa o 55,8% de todas e todas as persoas integradas no mesmo, unha proporción que no caso das industrias do sector da automoción é do 73,3% -con 55 insercións de 75 alumnas e alumnos-.

Polo que atangue ao ‘Plan de Emprego para Mulleres (PIEM)’, está dirixido este ano a un total de 85 porriñesas en situación de desemprego, especialmente, mulleres novas, menores de 30 anos e sen cualificación profesional.

Como resultado do mesmo, o mes de abril, 11 delas comezaron a traballar coma soldadoras na planta de Viza Automoción no Porriño, que conta cun plantel de 500 persoas e subministra os seus produtos a grupos tan importantes coma PSA Peugeot Citroën, Audi, Renault, Volkswagen, Mercedes, Toyota ou Porsche.

Dentro destes mesmos programas, outras 12 persoas demandantes de emprego, das 16 que  iniciaron as súas prácticas, están traballando  en Gestamp grupo internacional adicado ao deseño, desenrolo e fabricación de compoñentes metálicos para o automóbil.

Os plans impulsados polo Concello fan que O Porriño liderase en maio a cración de emprego na Área Metropolitana: a finais do mes pasado traballaban na vila 643 persoas máis que cando chegou o actual Goberno local

Por segundo mes consecutivo, O Porriño liderou, xunto con Vigo, a creación de emprego na Área Metropolitana. A finais do mes pasado había na vila 1.496 persoas sen traballo,104 menos que a 30 de abril, no que se rexistraron 1.600.

Dacordo cos datos publicados este venres polo Ministerio de Emprego e Seguridade Social, e a Consellería de Economía, Emprego e Industria da Xunta de Galicia, a taxa de desemprego situouse no Porriño no 16,1%, 7 puntos menos que cando o actual Goberno Local empezara  o seu mandato: daquela  2.139 porriñeses estaban na procura dun posto de traballo, 643 máis que na actualidade.

En relación co mes de maio de 2017, o número de veciñas e veciños anotadas coma demandantes na oficina do Servizo Galego de Emprego baixou de 1.777 a 1.496, o que supón que hai 281 traballadoras e traballadores máis no Porriño e que en so un ano o paro caeu en 3,1 puntos.

Un 73% de insercións laboráis dende os plans do Concello

As medidas postas en marcha dende o Goberno local para reducir o desemprego no Porriño , fundamentalmente por medio dos programas ‘Porriño Accede’ e ‘Plan de Emprego para Mulleres (PIEM)’, conqueriron que un total de 113 porriñesas e porriñeses estean xa traballando.

O ano pasado 67 persoas atoparon traballo logo de ter completado este programa, o que representa o 55,8% de todas e todos os participantes no mesmo, unha proporción que no caso das industrias do sector da automoción é do 73,3% -con 55 insercións de 75 alumnas e alumnos.

No que vai deste 2018, os 14 convenios asinados polo Concello con outras tantas empresas de automoción, loxística, mantemento ou distribución, fixeron posible que, ata o mes de maio 46 persoas asinasen un contrato de traballo, o 73% das 66 que participaron neste programa dende o 1 de xaneiro.

Polo que atingue ao ‘Plan de Emprego para Mulleres (PIEM)’, está dirixido este ano a un total de 85 porriñesas en situación de desemprego, especialmente, mulleres novas, menores de 30 anos e sen cualificación profesional.

Como resultado do mesmo, o mes de abril, 11 delas comezaron a traballar coma soldadoras na planta de Viza Automoción no Porriño, que conta cun plantel de 500 persoas e subministra os seus produtos a grupos tan importantes coma PSA Peugeot Citroën, Audi, Renault, Volkswagen, Mercedes, Toyota ou Porsche.

Dentro destes mesmos programas, outras 16 persoas demandantes de emprego iniciaron as súas prácticas en Gestamp grupo internacional adicado ao deseño, desenrolo e fabricación de componentes metálicos para o automóvil. Grande parte destas persoas teñen notábeis posibilidades de integrarse, finalmente, no plantel desta empresa.

Seguir na mesma liña

A alcaldesa, Eva García de la Torre, logo de amosar a súa satisfación polo feito de que “nestes tres anos que levamos no Concello lográsemos que 643 veciñas e veciños atopasen traballo”, insiste en que “seguiremos, como o tiñamos planificado dende o principio: dirixindonos ás empresas, porque O Porriño é unha potencia industrial e empresarial dentro de Galicia, e apostando pola formación coma o xeito absolutamente determinante para conquerir un emprego, como vén de quedar demostrado”.

Neste eido o Goberno local seguirá “impulsando as xestións destinadas a radicación de empresas na nosa vila e facilitando a mesma, ao mesmo que asinaremos acordos e convenios de colaboración que teñan coma finalidade a contratación de porriñesas e porriñeses que están buscando traballo”.

O Porriño lederou en abril, xunto a Vigo, a creación de emprego na Área Metropolitana: a finais do mes pasado traballaban na vila 539 persoas máis que cando o actual Goberno local iniciara a súa xestión

O Porriño liderou o mes pasado, xunto con Vigo, a creación de emprego na Área Metropolitana de Vigo. A finais do mes pasado había na vila 1.600 persoas sen traballo, 68 menos que a finais de marzo.

Dacordo cos datos publicados este venres polo Ministerio de Emprego e Seguridade Social, e a Consellería de Economía, Emprego e Industria da Xunta de Galicia, a taxa de desemprego situouse no Porriño no 17,3%, preto de 6 puntos menos que cando o actual Goberno Local empezara  o seu mandato, cando 2.139 porriñeses estaban na procura dun posto de traballo, 539 máis que na actualidade.

En relación co mes de abril de 2017, o número de veciñas e veciños anotadas coma demandantes na oficina do Servizo Galego de Emprego baixou de 1.842 a 1.600, o que supón que hai 241 traballadoras e traballadores máis no Porriño: en so un ano o paro caeu en máis de 3 puntos.

A alcaldesa, Eva García de la Torre subliña que “as medidas que estamos a impulsar dende o Goberno local están dando os seus froitos”. O programa Porriño Accede’, baseado en convenios asinados entre o Concello e empresas da vila, grazas ao cal o ano pasado 67 persoas atoparon traballo logo de ter completado este programa, o que representa o 55,8% de todas e todos os participantes no mesmo, unha proporción que no caso das industrias do sector da automoción é do 73,3% -con 55 insercións de 75 alumnas e alumnos

Doutra banda, o ‘Plan de Emprego para Mulleres (PIEM)’, dirixido este ano a un total de 85 porriñesas en situación de desemprego, especialmente, mulleres novas, menores de 30 anos e sen cualificación profesional, conqueriu xa que, o mes pasado, 11 delas comezasen a traballar coma soldadoras na planta de Viza Automoción no Porriño, que conta cun plantel de 500 persoas e subministra os seus produtos a grupos tan importantes coma PSA Peugeot Citroën, Audi, Renault, Volkswagen, Mercedes, Toyota ou Porsche.

Dentro destes mesmos programas, 16 persoas iniciaron as súas prácticas en Gestamp grupo internacional adicado ao deseño, desenrolo e fabricación de compoñentes metálicos para o automóvil,de cara a súa posible integración laboral nesta compañía.