Cultura e festas

Mañá martes inaugurase en Porriño a exposición “Ilustrando” dos humoristas gráficos Luis Dávila e Gogue

Trece cubos recollerán unha amplia mostra de dous mestres do humor gráfico de Galicia, Luis Dávila e Gogue que os porriñeses teremos a oportunidades de ver e disfrutar a partir de mañá martes 4 de xuño.
A exposición organizada polo rotativo “Faro de Vigo” co patrocinio do Concello de Porriño, recolle unha selección das mellores viñetas publicadas por ambos humoristas gráficos nas páxinas do xornal decano.
Trátase dunha mostra itinerante que checa a Porriño dende Vilagarcía e que previamente tamén estivo en Vigo e máis en Pontevedra.
A montaxe estaba a realizarse este serán na praza Arquitecto Antonio Palacios. Mañá a mediodía terá lugar a inauguración oficial que presidirá Eva Garcia, alcaldesa de Porriño. En representación do xornal asistirán Pedro Días, xerente de “Faro de Vigo”; Luis Gónzalez Míguez, director comercial e Gabino Porto, delegado de “Faro” na bisbarra. Tamén acudirá en representación da Deputación Provincial, Santos Héctor, deputado delegado de Turismo.

03/06/2019 in Alcaldía, Cultura e festas

Amplíase ata hoxe a exposición de fotografías “Unha mirada de antano” no Centro Cultural Municipal

A exposición «Unha mirada de antano: Fotografías de Ruth Matilda Anderson en Galicia» que se exhibe no Centro Cultural Municipal extendese un día máis xa que inicialmente estaba previsto que pechase na data de hoxe, 2 de xuño, segundo informa o persoal do Centro.
Entre as fotografías seleccionadas para exhibirse en Porriño ocupan un lugar sobranceiro catro imaxes que Anderson tomou na nosa vila e unha delas serviu para o cartel anunciador. Está alcumada como “Método para
carrexar un cesto entre Mondariz e Porriño”. Foi sacada por Ruth Matilda o 12 de septembro de 1924 e empregouse como imaxe do programa de man da exposición.
Esta mostra de fotografías exhíbese en Porriño grazas ó convenio de colaboración que subscribiron “ABanca”, “AFundación” e o Concello de Porriño”, dende o pasado 9 de maio. Daquela, na cerimonia de inauguración, presidida por Eva García, manifestara que “como muller e como alcaldesa síntome moi orgullosa de que a nosa cidade acolla esta mostra de fotografía baseada na obra dunha muller pioneira do seu tempo” e valorou que “a calidade do traballo vai máis aló das imaxes; reflexou como ningún antes unha Galicia rural e costeira en tempos de depresión, retraso e pobreza”.
A exposición, de entrada libre e gratuíta pódese visitar neste derradeiro día en Porriño ata as 20.30 horas.

03/06/2019 in Alcaldía, Cultura e festas, Educación e tecnoloxía

A alcaldesa asistirá á lectura do pregón inaugural da IV Feira do Pan do Porriño

Eva García confirmou ós organizadores da IV Feira do Pan do Porriño que mañan sábado asistirá á lectura do pregón inaugural do certame na praza de San Benito, a partir das 12 horas. A Alcaldesa xa participou esta mesma semana na presentación provincial do evento que tivo lugar na sé de “Turismo Rías Baixas”, en Pontevedra, co amparo da Deputación Provincial.

No día de hoxe rematará a montaxe dos 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas aínda que o pregón inaugural será a mediodía a cargo de Carlos Alvarez.

Durante o sábado a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor. Habilitarase tanto o sábado como o domingo unha carpa na Feira para que o público que o desexe poida xantar alí.

De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.

31/05/2019 in Alcaldía, Cultura e festas, Turismo

V Festival “Porriño sobre rodas”. Haberá restriccións de tráfico no entorno do Polideportivo Municipal

O sábado 1 de xuño celebrase a quinta edición do Festival Porriño sobre Rodas que organiza o “Clube Patin Porriño”.
As actividades desenrolanse dende as 10 da mañán ata as 14 horas e polo serán dende as 17 horas ata as 20 horas, no Pavillón Municipal de Deportes, na pista 1.
Por este motivo, a Policía Local cortará e restrinxirá o tráfico na rúa Doantes de Sangue, no treito entre a pista 1 e o colexio, a partir das 9 horas e ata as 21 horas. Voluntarios de Protección Civil realizarán a a vixiancia correspondente.

31/05/2019 in Alcaldía, Cultura e festas, Deportes, Tráfico

Dende o xoves, corte de tráfico na rúa Manuel Rodriguez pola montaxe de stands da IV Feira do Pan do Porriño

A Policía Local de Porriño informa que o xoves 30 de maio, a partir das 8 horas da mañan, prohíbese o aparcamento de vehículos na rúa Manuel Rodríguez, dende a intersección coa rúa Xogo da Ola, ata a altura do nº 84 da rúa Manuel Rodríguez. E a partir das 8,30 horas, cortarase o tráfico de vehículos pola citada rúa para comezar a montaxe dos stands para a IV Feira do Pan do Porriño que terá lugar os vindeiros sábado 1 e domingo 2 de xuño.
Segundo ACIPOR e o sector de panadeiros de Porriño precisan preto de dous días para a instalación dos 16 stands e demais elementos da Feira.
A Policía Local de Porriño velara polo cumprimento destas restricións para garantir a seguridade.

29/05/2019 in Alcaldía, Cultura e festas, Tráfico

“TURISMO RIAS BAIXAS” INVITA A ACUDIR ESTE PRÓXIMO FIN DE SEMANA Á IV FEIRA DO PAN DO PORRIÑO

Santos Héctor, deputado delegado de Turismo, no nome da Deputación de Pontevedra invitou a todos cantos poidan acudir á IV Feira do Pan do Porriño que terá lugar os vindeiros días 1 e 2 de xuño. Este mediodía celebrouse en Pontevedra, na sé de “Turismo Rias Baixas” a presentación a nivel provincial deste certame que complementou a presentación previa que se fixo no Concello de Porriño o pasado 20 de maio. A esta comparecencia en Pontevedra asistiu Eva García, alcaldesa de Porriño, que lembrou que dende a súa chegada ó goberno municipal “prestamos o noso apoio á ACIPOR e ós panadeiros para celebrar este evento que serve de referencia”.
“Quero dicir que ademáis do que Porriño significa industrialmente, económicamente e culturalmente, o pan de Porriño é unha seña de identidade e a nosa obriga era darlle o lugar que merece”, engadiu a alcaldesa.


Lembremos que haberá 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas, na praza de San Benito, aínda que o pregón inaugural será a mediodía a cargo de Carlos Alvarez. Ese mesmo día, a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor.
Habilitarase tanto o sábado como o domingo unha carpa na Feira para que o público que o desexe poida xantar alí.
De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.
O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.
Con este certame Porriño volve a reivindicarse como “a capital galega do pan” mentres agarda pola certificación de orixe pois aínda segue en tramitación pola Xunta de Galicia o rexistro da marca ‘Pan de Porriño’ que agardan os panadeiros locais.

29/05/2019 in Alcaldía, Cultura e festas, Emprego e formación, Turismo

A sede de “Turismo Rías Baixas” en Pontevedra acollerá a presentación a nivel provincial da IV Feira do Pan do Porriño

Deputación de Pontevedra, a través do organismo “Turismo Rías Baixas” acollerá mañan mércores 29, unha nova presentación da IV Feira do Pan do Porriño que terá lugar os vindeiros días 1 e 2 de xuño. Trátase dunha acción informativa de ámbito provincial que complementará a presentación previa que se fixo no Concello de Porriño o pasado 20 de maio. A esta comparecencia en Pontevedra asistirán Eva García, alcaldesa de Porriño, Santos Héctor, deputado provincial delegado de Turismo e representantes da patronal local ACIPOR e do sector de panaderías de Porriño.


Lembremos que na IV Feira do Pan que apoia o Concello haberá 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas, na praza de San Benito, aínda que o pregón inaugural será a mediodía a cargo de Carlos Alvarez. Ese mesmo día, a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor.
Habilitarase tanto o sábado como o domingo unha carpa na Feira para que o público que o desexe poida xantar alí.
De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.
O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.
Con este certame Porriño volve a reivindicarse como “a capital galega do pan” mentres agarda pola certificación de orixe que “aínda segue en tramitación e agardemos que non demore moito máis o rexistro da marca ‘Pan de Porriño’ que estamos a xestionar ante a Xunta de Galicia”, segundo manifestou José Manuel Fernández, no nome dos panadeiros locais.

28/05/2019 in Alcaldía, Cultura e festas, Turismo, Urbanismo, comercio e industria

“CORTO E CAMBIO”: presentamos as dez pezas audiovisuais elaboradas por alumnos porriñeses para alertar contra o consumo de drogas, alcol e tabaco.

Segundo anunciou a OMIX, subimos a esta páxina web do Concello os dez traballos audiovisuais elaborados por alumnos porriñeses que participaron no programa “Corto e cambio”. As curtas presentaronse o pasado martes no Centro Cultural Municipal como colofón do ciclo formativo para a prevención de consumos de drogas, alcol e tabaco entre a mocedade porriñesa.

1. Ribeira do Louro / 4º C
O menudeo de droga leva consigo moita violencia e abuso de poder. Aquí vai unha mostra.

2. Pino Manso / 1º FP
Esta é unha historia do cotián, de como as drogas poden afectarnos no noso día a día.

3. Pino Manso / 4º AC G2
Hai moitas presións externas e de grupo á hora de consumir drogas. Esta curta mostra precisamente iso.

4. Ribeira do Louro / 4º B G1
Esta peza ensina esa espiral da droga que afunde a moita xente, pero cun toque diferente… Ata aquí podemos ler.

5. Pino Manso / 2º FP
Seguro que algún de vós séntese identificado con un ou varios dos efectos recreados polos compañeiros…

6. Pino Manso / 4º AC G3
Velaquí unha historia de rehabilitación, que nos mostra que non importa o noso pasado se temos forza para mudar as cousas.

7. Pino Manso / 4º AC G1
Esta é, probablemente, a curta máis experimental de todas… mostrando dun xeito único como o consumo de drogas consume ás persoas.

8. Ribeira do Louro / 4º A
Se o habitual é contar historias dende o punto de vista do consumidor, aquí temos unha dende o punto de vista do camello e da súa responsabilidade nas vidas da xente que consume.

9. Pino Manso / 4º B
Se antes falábamos da rehabilitación, aquí pasamos á destrución… hai veces que a droga pode rematar con absolutamente todo.

10. Ribeira do Louro / 4º B
Para rematar a peza audiovisual máis poética de todas. Dende logo, unha curta para reflexionar.

24/05/2019 in Benestar, Cultura e festas, Educación e tecnoloxía, Igualdade, Servizos sociais

Aviso de corte de tráfico na estrada N-120 polo Festival de Cans, entre o venres e o domingo.

A Xefatura Provincial de Tráfico autorizou o corte de circulación na estrada Nacional 120 co gallo do Festival de Cans, segundo informa a Policía Local de Porriño.
Se cortará a circulación de vehículos por esa estrada, entre os puntos kilométricos 652,600 y 653,400, en ambos sentidos, dende as 12,00 horas do venres 24 ata as 08,00 horas do domingo 26.
O tráfico será desviado por la Autovía A-52.

23/05/2019 in Cultura e festas, Tráfico

XVI FESTIVAL DE CANS: esta noite “procesión de chimpíns”, proxección de apertura no Círculo e outras actividades na praza do Concello

Hoxe xoves, na segunda xornada do Festival de Cans, a meirande parte da actividade de tarde e noite concentrase no entorno do Concello. A partir das 19 horas chegarán a banda de gaitas“Os Zoqueiros” para amenizar a icónica “procesión de chimpíns” que sairá coa comitiva oficial de autoridades e invitados, dende a praza Arquitecto Antonio Palacios. Despois dun percorrido por diversas rúas, a procesión de chimpíns rematará no Círculo Recreativo Cultural onde terá lugar (20 h.) a proxección de “Eroski Paraíso”, coa presenza de Jorge Coira e Xesús Ron, directores da cinta, elenco de actores e outros membros do equipo técnico. No reparto de este filme figuran Miguel de Lira, Patricia de Lorenzo e Cris Iglesias.


Tamén na praza do Concello concentraranse outras actividades como a gastronómica “Tapas de cine”, concurso de videoclips coa presentación de 19 traballos, e de remate un concerto a cargo de “Aries”, novo proxecto musical de Isabel Fernández Reviriego, a partir das 23,30 horas.

23/05/2019 in Alcaldía, Cultura e festas, Turismo